Vdes ish-komandanti i UÇK-së, Fadil Shishani
Kryetari i Komunës së Drenasit, Ramiz Lladrovci, ka ngushëlluar familjen Shishani nga Dobrosheci me rastin e ndarjes nga jeta të me të dashurit të tyre, Fadil Shishani.
Në letrën e tij Lladrovci ka shkruar se Fadil Shishani ka qenë veprimtar i dalluar i vendit.
“Me dhimbje të thellë morën lajmin e ndarjes nga jeta të Fadil Shishanit, ish-Ushtar i Ushtrisë Çlirimtare të Kosovës dhe Komandant, veteran i arsimit, karateist e po ashtu edhe Komandant i Gardës në TMK, pjesëtar i Policisë së Kosovës dhe shumë veprimtar i dalluar i vendit. Në emër të Komunës së Drenasit dhe në emrin tim personal, u shpreh ngushëllimet më të sinqerta familjes Shishani, të afërmve dhe gjithë miqve të familjes”, ka shprehur ngushëllimin kryetari Lladrovci.
