Trump: Do të bisedoj nesër me Putinin
“Do të shohim nëse kemi ndonjë gjë për të shpallur deri të martën. Do të flas me presidentin Putin të martën. Është bërë shumë punë gjatë fundjavës”, tha Trump
Ankara
Presidenti i SHBA-së, Donald Trump deklaroi se nesër do të bisedojë me presidentin e Rusisë, Vladimir Putin, transmeton Anadolu.
Trump dha deklarata për gazetarët gjatë fluturimit të tij nga Florida në Washington.
“Do të shohim nëse kemi ndonjë gjë për të shpallur deri të martën. Do të flas me presidentin Putin të martën. Është bërë shumë punë gjatë fundjavës. Ne duam të shohim nëse mund t’i japim fund kësaj lufte”, tha Trump.
Presidenti amerikan tha se ai dhe Putini do të bisedojnë për “tokën” dhe “centralet”.
