Sulmohet me thikë futbollisti i Flamurtarit, zbardhet ngjarja e plotë!

Mbrojtësi i Flamurtarit, Sodiq Atanda, u sulmua me thikë pasditen e sotme në qytetin e Vlorës. Për fat të mirë, nigeriani nuk
mbeti i dëmtuar nga ky sulm, teksa në lidhje më këtë ngjarje ka reaguar edhe klubi i Flamurtarit, që bën me dije se ngjarja
është mbyllur pa asnjë dëmtim fizik dhe futbollisti gëzon shëndet të plotë

“Lidhur me lajmin e publikuar në media mbi sulmin kundër futbollistit tonë Sodiq Atanda , kërkojmë të saktësojmë se
futbollisti nuk ka asnjë dëmtim. Fatmirësisht është një ngjarje e mbyllur pa asnjë dëmtim fizik dhe futbollisti gëzon shëndet të

plotë. Agresori është një person me probleme të shëndetit mendor”

NJOFTIMI ZYRTAR I POLICISË: Sot, rreth orës 18:00, në vendin e quajtur “Kali i Trojës”, gjatë një konflikti të çastit për motive

të dobëta, ka mbetur i dëmtuar lehtë në dorë, dyshohet me mjet prerës (thikë), shtetasi S. A., 31 vjeç, me origjinë nigeriane.
Pas marrjes së mjekimit në spital, 31-vjeçari është paraqitur në komisariat për të bërë kallëzimin për rastin.

Falë veprimeve të shpejta të kryera nga strukturat e Komisariatit të Policisë Vlorë, është bërë i mundur identifikimi i autorit të

dyshuar, shtetasit D. B., 21 vjeç. Vijon puna për kapjen e tij, i cili paraprakisht dyshohet se vuan nga probleme të shëndetit
mendor.

Grupi hetimor vijon punën për sqarimin dhe dokumentimin e plotë ligjor të ngjarjes.”