Rama nga Vlora: Reforma në drejtësi meritë e PS, shpatën ia dhamë ne! ‘Bufi’ do shkrirjen e SPAK! Hapim negociatat gjatë mandatit të 4

Kryeministri tha se rivalët politikë s’e kanë dashur kurrë reformën në drejtësi dhe kanë premtuar shkrirjen e SPAK-ut.

Rama risolli rastin e 21 janarit, ku tha se ishte kreu i qeverisë në atë kohë Sali Berisha që i dha urdhër policisë të mos zbatonte urdhrat e prokurorisë dhe kjo nuk ndodh më sot.

‘Sot ne jemi në kushtet ku po shohim fillimin e një epoke barazie para ligjit. Një duhet të shkoj njësoj para ligjit me një pushtetar kur shkel ligjin. Dhe në ketë se kemi pasur kurrë, ne kemi njerëz që thirren nga prokuror të pavarur dhe gjykohen nga gjykatës të pavarur dhe s’ka asnjë forcë që mund ti ndalojë. Altin Dumani ka qenë këtu ka qenë disa vite prokuror, e keni dëgjuar ju të thërriste ndonjë herë ndonjë pushtetar, këtu janë vrarë njerëz. I pari i qeverisë i dha urdhër policisë mos i zbatoni urdhrat e prokurorisë dhe mendoni ju sot që unë të dal të ndaloj urdhrin e prokurorisë, se bëjë dot. Sepse unë dhe PS e kemi ndarë mendjen që këtij vendi ti japim një drejtësi të pavarur dhe jemi ne që e kemi ndërmarr reformën në drejtësi as amerikanët dhe as europianët. Nëse nuk bëhet barazia para ligjit, jo vetëm që s’do futemi në BE, por s’do bëjmë dot prokopi këtu. Ata tjerët thonë na jepni votën në 11 maj dhe në 12 shkrijmë SPAK’, tha ai.

Kryeministri Rama tha se shpatën drejtësisë ja ka dhënë Partia Socialiste. Rama deklaroi se socialistët që kanë probleme me drejtësinë numërohen me gishtat e dorës, por mbështetësit e reformës janë 1 milion sipas tij.

‘Shpatën qe e ka në dorë drejtësia ka qenë tek zyra ime, se ka qenë mbretëri se komunizëm, shpata ka qenë aty dhe atë shpatë ne ja dhamë drejtësisë. Ne e dinim se duke dorëzuar shpatën kemi vënë në dispozicion dhe trupin, sepse ajo është për të ndëshkuar ata që abuzojnë me pushtetin. Atyre që thonë socialistët janë në burgje na marrin të keqen sepse ata që janë para drejtësisë numërohen sa gishtat e dorës, kurse në që luftojmë për drejtësinë mund të bëhemi edhe 1 mln. Nëse futemi në BE të gjithë janë të barabartë para ligjit, sepse jemi në një familje ku si janë shumica prej jush janë të varuar nga prindërit’, tha ai.

Teksa foli për necociatat në BE Rama u shpreh optimist se gjatë mandatit të 4 do të përfundojnë negociata për anëtarësimin e vendit në BE.

‘Në 11 maj ne kemi në dorë fatin historik të vendit. Në mandatin e 4 ne përfundojmë negociatat për anëtarësimin e vendit dhe për t’ju dhënë ju pasaportën e BE. BE do që të marr në familjen anëtarë të rinjë. Nënse në 11 maj Shqipëria i jep Europës mesazhin se ne jemi të qartë se ca do bëjmë deri 2027 dhe  duam që të jemi në BE kjo është një gjë, por nëse Shqipëria jep mesazh se populli merret me mustaqet e Kujtim Gjuzit është tjetër gjë’, tha ai.

Rama renditi se cilat do të jenë përfitimet e shqiptarëve pasi Shqipëria të futet në Bashkimin Europian.

“Është e rëndësishme nuk duhet shumë njohuri për BE për të parë që ka pasur sjellje të ndryshme ndaj idesë për zgjerimin. Sot KE dhe BE duan të marrin në familjen atyre një anëtar të ri. Ju do thoni si nuk mjaftuan 12 vite, duhet t’i referoheni faktit që Mali i Zi i ka filluar negociatat në 2012, ne i kemi filluar vjet. 27 vendet anëtare nuk binin në një mendje, thoshte Holanda jo se ka ça gjëra të tjera, kishte hallin e zgjedhjeve atje dhe i duhej të sillej ashpër me idenë e zgjerimit. Pastaj ndodhi historia e Himarës ju e dini për të arritur në momentin kur u hap rruga.

Nuk do rrijë hapur pafundësisht dhe mund të mbyllen dyert dhe për 10 vite të tjera. Të shkosh sot nga Vlora në Berlin shkon, por kur të shkosh atje do të pyesin kur do ikësh, sa lekë ke. Ndërkohë me pasaportën e BE kalon te ai tuneli i yjeve dhe futeni duke treguar ja ku është pasaporta. Ti mund të qëndrosh aty sa të duash dhe të trokasësh për të kërkuar një punë me atë pasaportë.”-u shpreh Rama.

Kryeministri Rama foli edhe njohjen e pensioneve me Greqinë. Ai tha se në momentin që vendi anëtarësohet në BE pensionet do të njihen automatikisht për shqiptarët që jetojnë në Greqi.

‘Ne sot jemi kërkesa pafund nga shqiptarët në Greqi që kanë merakun që tu njihen pensionet si ju njohën atyre në Itali. Me pasaportën e BE, të gjithë shqiptarët në Greqi menjëherë fitojnë të drejtat që kanë grekët në Greqi jo vetëm ju njihen pensionet por bëhen edhe të transferueshme, është njësoj si të shkosh nga Vlora në Shkodër dhe nga Shqipëria në Poloni ose në Spanjë. Ska kufi ddhe asnjë lloj dallimi’, tha ai.