Përçarja ne VLEN / Taravari nuk do partner të koalicionit me 20 veta “parti” – Alternativën
Përçarja ne VLEN / Taravari nuk do partner të koalicionit me 20 veta “parti” – Alternativën
Perçarja e koalicionit VLEN tashmë është një çështje evidente dhe pritet që të ndodhë zyrtarisht brenda këtyre ditëve. Sipas burimeve jozyrtare, mësohet se plasaritja e parë në VLEN ka ndodhur për shkak të jokorrektësisë dhe jotransparencës së qeverisjes nga ana e 4 partive që e përbëjnë.
Insistimi i Taravarit deri më tani ka qenë që katër partnerët të shqyrtojnë forcat e tyre strukturore në aspektin e këshillave komunale. Megjithatë, kjo çështje është kundërshtuar kategorikisht nga partneri më i vogël, Alternativa, që ka kërkuar të marrë mbi 40% të pozicioneve brenda VLEN-it. Kjo plasaritje e parë ka detyruar Taravarin të kundërshtojë këtë propozim, duke theksuar se forca e tij politike nuk është më e madhe se ajo e PPD-së ose e RDK-së së vjetër.
Izet Mexhiti po përpiqet të paraqitet si i pafajshëm, duke insistuar që partneri më i vogël – Alternativa – të shkriret në Lëvizjen Demokratike. Lëvizja Besa e Kasamit, nga ana tjetër, ka si prioritet pushtetin lokal në Tetovë dhe Zhelinë. Ndërkohë, Taravari kërkon një sinkronizim të VLEN-it bazuar në peshën politike të secilit partner të koalicionit.
