PDK/ Bashkë për Vushtrrinë: “Mërgata dje, sot dhe nesër”, mbahet tryezë diskutimi me profesorë nga Kosova dhe mërgata

Komuna e Vushtrrisë ka organizuar tryezën e diskutimit “Mërgata dje, sot dhe nesër”, ku kanë bashkëbiseduar profesorë dhe ekspertë të disa fushave nga Kosova e nga mërgata.

Kryetari i komunës, Ferit Idrizi ka njoftuar se në këtë tryezë është diskutuar për rolin dhe kontributin e mërgatës në periudha të ndryshme për vendin tonë.

“Bashkëbisedimin e zhvilluam me Safet Gërxhaliu, ekspert i ekonomisë, Nazmi Jusufi, ekspert i ekonomisë dhe financave publike, Vehbi Halili, anëtar i Shoqatës Internationale, Avni Alidemaj, ekspert i drejtësisë dhe Bashkim Haziri, ekspert dhe profesor universitar në Angli”, ka shkruar Idrizi.