Largimi nga Liverpool është i sigurt, ylli 25-vjeçar i vetëofrohet Barcelonës

Largimi i Darwin Nunez në fund të këtij sezoni nga Liverpool është i sigurt. Uruguaiani ka rezultuar një transferim i dështuar
për të kuqtë, por penalltia e humbur ndaj PSG-së në Champions i ka vënë “vulën” largimit të tij në verë.

Nunez po mendon një rikthim në Spanjë, aty ku luajti për Almeria-n para se të bashkohej me Benfica-n. Ai ka shprehur prej
kohësh admirimin e tij për Barcelonën dhe dëshirën për të veshur fanellën e katalanasve. Megjithatë, lëvizja e tij drejt “Camp
Nou” nuk do të jetë dhe aq e lehtë.

Bordi katalanas ka dyshime për aftësinë e tij për të udhëhequr sulmin e Barcelonës, apo për të qenë një zëvendësues ideal i
Lewandowski-t. Performanca e tij këtë sezon, me shtatë gola dhe shtatë asistime në 39 ndeshje, nuk e pozicionon atë si
opsionin ideal. Për më tepër, kontrata me Liverpool-in zgjat deri në vitin 2028 dhe nënshkrimi i tij do të kërkonte një investim

të konsiderueshëm.

Gjithsesi, pavarësisht dëshirës së madhe të sulmuesit për të veshur fanellën e klubit katalanas, mendimi përfundimtar do të
varet nga Hansi Flick, i cili do të duhet të vlerësojë nëse Nunez përshtatet apo jo me projektin që ka ndërmend për
Barcelonën e sezonit të ardhshëm.