Formacioni/ Milan “i vjetër”, nga blerjet luan vetëm Morata në start

Stërvitja e fundit e Milanit ka dhënë disa indicia mbi atë që duhet të jetë formacioni i sotëm kundër Torinos. Në 4-2-3-1 e Fonsekës, Morata në sulm do të jetë i vetmi nga lojtarët e ardhur nga merkato.

Spanjolli do të mbështetet në korsi nga Leao dhe Pulisiç që e ka kapërcyer problemin fizik që e pengoi të luantë në miqësorën kundër Monzës në trofeun “Silvio Berluskoni”. Emerson Rojal nuk ka dokumentat gati, ndërkohë që Pavloviç do ta nisë nga stoli me shpresën për të luajtur disa minuta si zëvendësues.

Gabia e Tomori janë titullar në mbrojtje me Teon e Kalabrian nga korsitë. Reijnders dhe Benaser do të përbëjnë digën e mesfushës, me Loftus-Çik që do të jetë fantazisti.

PANORAMASPORT.AL