A janë miliarderët teknologjikë një rrezik për demokracinë?
Elon Musk është zotuar të dhurojë 45 milionë dollarë në muaj për fushatën elektorale të Donald Trump për president të SHBA-së, duke ngritur shqetësime për fuqinë që zotërojnë miliarderët e teknologjisë.
Kur shumë njerëz mendojnë për fuqitë botërore, ata zakonisht mendojnë për presidentët e vendeve më të fuqishme në botë ose udhëheqës fetarë si Papa apo Dalai Lama.
Vitet e fundit, ne kemi qenë dëshmitarë se miliarderët po përfshihen gjithnjë e më shumë në tema të tilla si politika apo problemet shëndetësore.
Edhe përpara mbështetjes së tij të hapur për Trump, Elon Musk kishte miqësi me kryeministrin indian Narendra Modi dhe presidentin kinez Xi Jingping.
Elon Musk nuk është i vetmi që mbështet politikanët konservatorë; është Peter Thiel i cili me këtë mbështetje beson se Amerika duhet t’i kthehet parimeve të nacionalizmit të krishterë.
E gjithë kjo jep tregues të fortë se këta njerëz po bëhen një lloj feudalësh modernë.
Ndërkohë që kjo dyshe është e angazhuar në politikë, Bill Gates ka përdorur ndikimin e tij të madh për të marrë pjesë në shumë tema që kanë të bëjnë me shëndetin dhe ka financuar të gjitha projektet përmes fondacionit të tij filantropik, të gjitha me synimin për të ndikuar në politikat e mbylljes së vendeve në zhvillim, shkruan TRT Ballkan.
Këto janë vetëm disa nga faktet që tregojnë se sa pushtet kanë këta njerëz dhe kështu lind pyetja e vërtetë:
A janë bërë kompanitë e mëdha të teknologjisë më të fuqishme se politikanët dhe a mund të përbëjë kjo një kërcënim për demokracinë?
