Femra më shami në Kongresin e PS-së: si duhen parë?
Ato, më shumë se kushdo në atë sallë, për të shëruar!
Disa femra me shami u panë dje në Kongresin e PS-së, gjë që në fakt nuk përbën më lajm. Krejt natyrshëm, si tregues i një inkorporimi të fortë shoqëror vit pas viti i femrës muslimane, duke qenë sot prezente dhe në nivele institucionale të shtetit apo qeverisjes, ajo, figura e saj, është prezente në jetën publike dhe atë politike, paçka siglës.
Mund të ketë vështrime të vëngërta ndaj këtij zhvillimi, si dhe qëndrime kritike, nga vetë zëra brenda komuniteteve që ato i përkasin. Por këto do vlenin kur ato të kenë rol të fortë publik, nga një detyrë e caktuar politike apo zyrtare, me impakt në zhvillime të caktuara.
Ajo që duhet theksuar në kërë rast është se ato, si pjesë e natyrshme e shoqërisë, janë po aq natyrshmërisht dhe në aulat politike të forcave politike.
Ajo që përbën dhe kërshëri është se si do jetë zëri apo si do jenë qëndrimet e tyre kur të jenë në pozita të protagonizmit politik. Ka shumë arsye për të besuar se janë aty, më shumë se kushdo në atë sallë, për të shëruar e jo për të mbajtur gjallë sëmundje politike, për aq sa t’u jepet rol në operacion. /tesheshi.com/
