Një ngjarje e rëndë është regjistruar mbrëmjen e sotme në Vlorë, ku një nënë, dyshohet e alkoolizuar ka përplasur në tokë fëmijën e saj 5 muajsh.

Sipas informacioneve nga vendi i ngjarjes, rasti ka ndodhur në lagjen Pavarësia të Vlorës ku nëna rreth 35-vjeçe në gjendje të dehur ka përplasur disa herë në tokë në trotuar foshnjën e saj.

Të gjendur përballë kësaj skene, forcat e policisë kanë ndërhyrë për t’i marrë fëmijën, ndërsa e reja ka kundërshtuar me forcë efektivët e policisë.

Ndërkohë që fëmija është shoqëruar në spital, dhe sipas tyre nuk ka pasur dëmtime, ndërkohë që po i bëjnë një skaner për të parë organet e brendshme.

Nëna e alkoolizuar është shoqëruar në polici dhe po merret në pyetje.