Mediat maqedonase i pengon takimi i Ambasadorit Mejdani me krerët e BDI-së

Ambasadori i Shqipërisë në Maqedoni, Denion Mejdani, më 13 shkurt 2025 ka zhvilluar një takim me nënkryetarin e BDI-së Bujar Osmani.

Në Facebook pas këtij takimi diplomati shqiptar ka shkruar se “BDI është forcë panevropiane” dhe se “integrimi dhe progresi kërkojnë vizion dhe përkushtim”. Informacion për këtë takim ka bërë të ditur TV Klan Maqedonia, e cila e ka transmetuar njoftimin e ambasadorit Mejdani në rrjetin social.

Më herët, më 29 janar të këtij viti, ky diplomat shqiptar në Maqedoni ka zhvilluar një takim në ambasadën e vendit të tij në Shkup me deputetin nga Presheva, nga jugu i Serbisë, Shaip Kamberi, në Kuvendin e Serbisë, pas së cilës “Almakos” dhe agjencia e lajmeve “Zhurnal” kanë njoftuar:

“Ambasadori Mejdani vazhdimisht mban takime me aktorët politikë në vend, në ekonomi dhe në kulturë. Duket se po bëhet agjent i bashkimit të të gjithë shqiptarëve në Ballkan!”

Me veprimet dhe deklaratat e tij, Mejdani shtron një pyetje serioze, së cilës duhet t’i japë një përgjigje adekuate: cili është qëllimi i veprimtarisë së tij ambasadore në Republikën e Maqedonisë? A po i kalon edhe një herë ambasadori shqiptar në Maqedoni kufizimet në aktivitetet dhe deklaratat e tij diplomatike, të cilat i parashikojnë konventat ndërkombëtare? Kjo dilemë është edhe më e theksuar, duke pasur parasysh se më 10 tetor 2024, Denion Mejdani tashmë ka tentuar t’i japë Republikës së Maqedonisë “leksione kushtetuese-juridike” për përfaqësim të drejtë, kur i ka “kujtuar” Kuvendit se cilat ligje duhet të miratojë.

Në një deklaratë me ngjyrime të ndërhyrjes
në punët e brendshme të një shteti tjetër sovran, Republikës së Maqedonisë, ambasadori i atëhershëm shqiptar kishte thënë: “Çështja e përfaqësimit të drejtë dhe adekuat duhet të parashikohet dhe garantohet me amendamentet e Kushtetutës, si dhe me mekanizmat e nevojshëm për zbatimin e saj. Këto kushte duhet të adresohen.

Tashmë mbetet detyrë e të gjitha institucioneve publike që të respektojnë Kushtetutën dhe të garantojnë të gjitha të drejtat e parapara, përfshirë të drejtën për përfaqësim të drejtë dhe adekuat.

Është detyrë e këtij legjislacioni të parashikojë çfarë ligjesh nevojiten, për përmirësimin e mëtejshëm të zbatimit dhe garantimit të këtyre të drejtave në këtë vend”.

Ndryshe, pas takimit të 13 shkurtit 2025 me Bujar Osmanin nga BDI-ja Denion Mejdani ka shkruar: “Kam mirëpritur nënkryetarin e BDI-së Bujar Osmani. Një bisedë e vlefshme për zhvillimet e fundit në vend dhe rajon, për marrëdhëniet e shkëlqyera mes dy vendeve dhe bashkëpunimin në frymën e integrimit evropian. Diskutuam edhe për kontributin e BDI-së në proceset demokratizuese si forcë politike panevropiane dhe rëndësinë e forcimit të partneritetit për avancimin e qëllimeve të përbashkëta. Integrimi dhe progresi kërkojnë vizion, përkushtim dhe bashkëpunim të fortë”.

Pas takimit të tetorit me deputetin e Preshevës në Kuvendin e Serbisë, Shaip Kamberi, të mbajtur në ambientet e Ambasadës së Shqipërisë në Shkup, ndër të tjera, Mejdani deklaroi: “Gjatë bisedës kemi shkëmbyer mendime për zhvillimet dhe sfidat e fundit. U theksua rëndësia e dialogut dhe bashkëpunimit. Një debat i hapur për çështje të rëndësishme për të ardhmen”. – shkruan expres.mk transmeton tvklan.mk