Zbukurime me suvenire në Gjirokastër, punimet tradicionale mbeten të preferuara
Suveniret dhe punimet karakteristike të realizuara plot mjeshtri nga artizanët në Gjirokastër janë kthyer në trendin e këtij sezoni festiv.
Banorët e këtij qyteti preferojnë të zbukurojnë mjediset familjare me punimet në drugdhendje apo qëndisje.
“Ka qenë një fluks nga familjarë të ndryshëm duke i bërë suvenire dhurata njeri-tjetrit dhe kemi pasur një kërkesë të shtuar në këtë pjesë duke bërë disa suvenire të vogla si bredha, yje” thotë mjeshtri drugdhendës Viktor Nurçe.
“Është shtuar numri i porosive të dhuratave simbolike të personalizuara qoftë me shishet e verës ose me produkte vendase që të jetë një suvenir i veçantë ndryshe nga të tjerët”,thotë mjeshtri Viktor Nurçe.
Në këto ditë të festave të fundvitit suveniret karakteristike janë preferuar edhe nga turistët vendas dhe të huaj si kujtim i udhëtimit në qytetin e gurtë.
“Vizitorët që vijnë sidomos vendasit që janë në trevat e huaja janë të interesuar, marrin suvenire por janë të interesuar edhe për kostume popullore, ju pëlqejnë kostumet për fëmijë, për të mëdhenj por edhe për qëndisma të ndryshme që i shpien dhurata për festat, tani jashtë shtetit”, thotë Vjollca Mezini, mjeshtre në qëndistari.
Përgjatë këtij viti qendrat e artizanatit në Gjirokastër kanë tërhequr interesin e vizitorëve, veçanërisht atyre të huaj, duke shërbyer për nxitjen e turizmit në vend.
Zbukurime me suvenire në Gjirokastër, punimet tradicionale mbeten të preferuara
