“Qyteti më djallëzor” në botë: si arrijnë njerëzit të jetojnë këtu?

La Rinconada, një qytet i vendosur në 5100 metra mbi nivelin e detit në malet e Andeve. Është gjithashtu qyteti më i banuar.

Ky qytet, i quajtur shpesh “më i afërti me hapësirën”, ofron një pamje të jetës në kushte ekstreme që është e vështirë të imagjinohet në botën moderne.

Uzmanjak Ruhi Cenet, producent dokumentarësh, tregoi realitetin e jetës në këtë vend, të cilin shumë e quajnë “qyteti më djallëzor në botë”, me videon e tij, e cila është parë më shumë se 50 milionë herë.

Jetëgjatësia është vetëm 35 vjet

Jeta në La Rinconada është një sfidë e vërtetë. Në këtë lartësi, ajri është aq i dobët saqë përmban vetëm 50 për qind të niveleve normale të oksigjenit, gjë që redukton në mënyrë drastike jetëgjatësinë në vetëm 35 vjet.

Popullsia lokale është përshtatur me këto kushte, pasi trupat e tyre prodhojnë dy herë më shumë qeliza gjaku sesa njerëzit në zonat më të ulëta.

“Asnjë pemë e vetme nuk mund të mbijetojë në këtë djerrinë për shkak të presionit të ulët,” shpjegoi Cenet në videon e tij. Qyteti, i vendosur 300 metra mbi majën e Mont Blanc, është larg çdo bote moderne. Por ajo që e bën edhe më sfidues është krimi dhe rreziqet që siç thotë Cenet janë shoqërues të vazhdueshëm të jetës në këtë qytet.

Një qytet pa kushte elementare për jetë

Cenet përshkroi se si, pas mbërritjes, ai u ndje keq për shkak të ajrit të rrallë. Të nesërmen u zgjua i rraskapitur, me fyt të thatë dhe buzë të plasaritura, ndërsa rrugët e akullta dhe të pista, të mbuluara me mbeturina, krijonin shqetësim shtesë.

Banorët e La Rinconada-s jetojnë në “kasolle metalike” të improvizuara pa energji elektrike, gjë që bëhet veçanërisht problematike kur temperaturat e dimrit bien në -10 gradë. Shumica e banorëve nuk kanë qasje në ujë të rrjedhshëm dhe përdorin banjo publike dhe dushe po publike. Pavarësisht gjithçkaje, La Rinconada tërheq njerëzit për një arsye kryesore – arin.

Arsyeja për të jetuar në kushte ekstreme

Sipas Cenet, 50,000 njerëz u vendosën në La Rinconada me shpresën për t’u pasuruar. Qyteti ndodhet në afërsi të minierave të arit, gjë që e bën atë një destinacion për ata që kërkojnë lumturinë pavarësisht kushteve të vështira. Midis 2001 dhe 2009, kur çmimi i arit u rrit me 235 për qind, popullsia e qytetit u rrit me rreth 30,000 njerëz.

Së bashku me ethet e arit vjen edhe çrregullimi – grumbujt e mbeturinave, kushtet e pasigurta të punës dhe mungesa e infrastrukturës janë vetëm pjesë e përditshmërisë në këtë qytet. La Rinconada, qyteti mbi retë, mbetet simbol i luftës njerëzore për mbijetesë dhe ëndrrës për pasuri, edhe në kushte në dukje të padurueshme. /tesheshi.com/