Stoilkoviç me vendim qeverie dëbon nga ndërtesa agjensionin për zbatimin e gjuhës shqipe, VLEN heshti në qeveri (Dokument)
Në seancën e mbajtur të qeverisë së Maqedonisë së Veriut më 27 Gusht me vendim të qeverisë është vendosur që Agjensionit për zbatimin e gjuhës ti meren hapsirat të cilat i kishte në shfrytëzim.
Sipas këtij vendimi të qeverisë së Maqedonis së Veriut të publikuar në gazetën zyrtare “Agjensioni për zbatimin e gjuhëve që flasin 20% e qytetarëve” zyrtarisht është pa objekt.
Nga ana tjetër kujtojmë që në të njejtën ndërtesë është vendosur edhe zëvendëskryeministri për zbatimin e marrëveshjes së Ohrit ose me emrin e ri të kësaj ministrie, zëvendëskryeministri për mardhënie ndërmjet bashkësive Ivan Stoilkoviç i cili nga dita e ardhjes në këtë post institucioneve të tjera ua ndaloi që të parkoheshin ndërsa së fundmi edhe po i dëbon me vendim të qeverisë.
Edhe pse vendimi është sjellur më 27 Gusht të vitit 2024 nga VLEN është mbajtur e fshehur dhe askush nuk ka reaguar për këtë vendim të qeverisë së Maqedonisë së Veriut.
Ndryshe Agjensioni për zbatimin e gjuhës shqipe aktualish fizikisht ende po qëndron në të njejtat hapsira ndërsa nuk dihet se cili do të jetë fati i tij nëse do të transferohen diku tjetër apo pas vemdimit të nesërm të gjykatës do të shuhet plotësisht si institucion.
