Botohet përmbledhja e kumtesave të mbajtura në promovimin e veprës studimore të prof. dr. Ismail Ahmedit

Në vargun e disa botimeve të reja të sjella nga ALSAR-i për publikun në këtë fund tetori gjendet dhe përmbledhja e kumtesave në aktivitetin promovues të veprës studimore të prof. dr. Ismail Ahmedit.

Ceremonia promovuese do të organizohej nga Fondacioni ALSAR dhe nga Shtëpia Botuese Logos-A, me qendër në Maqedoninë e Veriut.

Aktiviteti ishte një vlerësim për veprën e profesor Ismail Ahmedit, për veprimtarinë e tij si pedagog, përkthyes, studiues, filolog, etj.

Duke dashur që të plotësohet ky kuadër promovues, u përgatit dhe kjo përmbledhje e kumtesave.

Botimet ALSAR e kanë bërë thuajse normë që ta kryejnë për çdo aktivitet të tillë kulturor, promovim, simpozium apo konferencë, një përmbledhje të ligjëratave e ta ofrojnë për lexim për masën e gjerë të njerëzve.