6.80 euro shtesë në rroga, Mustafa i PDK-së e quan ndryshim simbolik të politikës fiskale
Anëtari i Kryesisë së PDK-së, Arben Mustafa ka komentuar ndryshimin e Ligjit për pagën minimale dhe shkallët tatimore në të ardhurat personale vjetore.
Sipas tij, të gjithë personat me të hyra të tatueshme prej 500 euro, tani do t’i kenë në llogaritë e tyre 6.80 euro shtesë.
“Qeveria e paska bë një ndryshim simbolik të politikës fiskale, përmes ndryshimit të shkallëve të tatimit në të ardhura personale”.
“Pra, në 4 vite qeverisje, kjo është reforma fiskale e kësaj qeverie dhe masa e vetme lehtësuese kundrejt rritjes së kostos së jetesës, 6.80 euro shtesë!”, ka shkruar ai në Facebook, transmeton Klankosova.tv
